تعريف بالشوب دراوينج ,,
الـ SHOP DRAWINGS أو الـ WORKING DRAWINGSهي عبارة عن رسومات بيرسمها المهندسين اللي شغالين في شركات المقاولات و أحياناً بيكون الإستشاري هو المسئول عن إعدادها.
- عشان ترسم الشوب درووينج لأي مشروع لازم يكون معاك اللوحات الأولية للمشروع و اللي بنسميها لوحات الـ "TENDER" و دي اللوحات اللي رسمها الإستشاري و سلمها لشركة المقاولات أثناء طرح مناقصة المشروع.
- طب إيه الفرق بين لوحات الـ SHOP DRAWING و لوحات الـ TENDER ؟
- زي ما قولنا إن لوحات الـ TENDER هي اللوحات اللي صممها إستشاري المشروع سواء لوحات معماري أو إنشائي أو إلكتروميكانيكال.. و بيكون فيها كل المعلومات التصميمية اللي محتاجين نعرفها عن المشروع.
- بس ما ينفعش ناخد لوحات الـ TENDER كدة زي ما هي و نديها للمقاولين و الصنايعية ينفذوها..
و ده لأن لوحات الـ TENDER مش واضح كل التفاصيل اللي بيحتاجها الصنايعي و هو شغال
و من هنا جت أهمية لوحات الـ SHOP DRAWING
- ببساطة نقدر نقول إن لوحات الـ SHOP DRAWING هي لوحات بنوضح فيها تفاصيل مهمة ما بتكونش واضحة في لوحات الـ TENDER عشان الصنايعية تعرف تشتغل.
و بيتم عمل لوحات SHOP DRAWING لكل بند على حدة..
يعني مثلاً لو هانتكلم عن الخرسانات بيكون فيه لوحات SHOP DRAWING للقواعد و لوحات للأعمدة و لوحات للسقف
و بالنسبة للتشطيبات بيبقى فيه لوحات SHOP DRAWING للمباني و لوحات للأرضيات و لوحات للتركيبات... إلخ
لمشاهدة الكورس ع اليوتيوب اضغط هنا
جزيت من الله الخير
ردحذفشكرا لمتابعتك :)
حذفالافضل لو كتبت باللغة العربية الفصحى, ثم انك لم توضح قانونية المخططات التنفيذية وقد اشرت فقط الى ان الخرائط الاصلية للمشروع غير واضحة وعليه وجب علينا تقديم مخططات تنفيذية وهذا الكلام من ناحية قانونية ليس صحيحا لان:
ردحذفعندما ترى ان مخططات المشرف غير دقيقة تطلب منه تعديلها ومن ناحية قانونية لا يمكنك تنفيذها.
اما اذا كان عندك اقتراح آخر لتنفيذ تفصيلة معينة بدل ما ورد في تفاصيل مهندس الاشراف فهنا تقترح ذلك مع عمل مخطط تنفيذي لما اقترحته ويجب ان يوافق عليه المشرف والمالك وإلا فهو مرفوض.